شــــــعر... والـــــــقوافــــــي..اتـــــتمـــــنـــــى ان تــــــعــــــجــــــبـــــكـــــم.

السلام عليكم ورحمة الله وبركاته...شـــــــعر...والــــــقـــــوافـــــــي...new...

بشروه اني ابرحل من حياته **** بشروه وفرحوا فيني ذويــــه

كفنوا جسمي بماضي ذكرياته **** ادفنوني بالمكان الي يـــبيــــه

اطلبو منه اذا خلص صلاتـــه **** فوق لحدي يحمله براحة يديه

ولي وصل قبري وحقق له مناته **** يدفن انسانه تحبه تمــــوت فيــه

علموه اني وربي من غلاتــــــه **** اعشق ترابن مشت رجله عليه

حلفـوه يشد ويقـــوي ثباتـــه **** لا ينزل دمعا يجرح له عينيه

باكر بيندم ويصحى من سباته **** يحتضن قبري ويبكي يرتجيــه

يعتذر عن حرجه وظالم سواته **** معترف بالذنــب لكن بـعــد ايــه

مايفيد الصوت دام الفوت فاتـــه **** من خذاه الموت وش له يحتريه

الزمن غادر وتحطنا رحــاتــــه ****ما صفا حاله على الدايم جذيـه

يستوي ويقوم يلملم شتــاتـــه **** يبقى شامخ جلد صبار ونزيـه

اطلبوه يسمى وحده من بناته **** باسمي وطيفي مع بنته يجيـه

طمنوه اني مسامحته لذاته **** بشره الله يرضالي عــليـــه

وادفنوه بجنبي ان حانت وفاته **** جنب انسانه وربي تموت فيــه
........................................................
خَلّوه .. يَجْرَحْنِي و يِرتـاح .. خَلّـوه


يِبُوح .. باشْيَاء ٍ .. قديمَـهْ .. كتمْهـا


لا مَاعَلى .. طَعْنات يَدّيـه .. مَشْـروه


أسْتاهل الطّعْنَهْ .. واجِي .. و اغْتنمْها


قُولوا لهْ انّي قلْت يانـاس ..عانُـوه


ذا .. قَلْبَهْ الغالي.. وروحِـي حَكمْهـا


هُو منْ كسَبْني يـوم غيـرَهْ تَحَـدّوه


لو كنْت ( ديرَهْ ) كان قلْبَهْ.. ( عَلمْها )


مَاغرّني غيـرَهْ ولا الْغيـر .. غَـرّوه


لكنْ مباني الحـبْ .. حَظّـي هَدَمْهـا


في حفْرَة الضّيقَهْ .. اذا طاح.. شلّـوه


هُو منْ حَيَاتِي .. بالسّعـادَهْ رسَمْهـا


طلْتَهْ ولا غيري من النّاس .. طَالـوه


لَهْ هيبة ٍ .. عنّ جدْ.. انـا أحْترمْهـا


بَقول يَاقلْـب ٍ نفَـعْ نَـاس .. بَاعـوه


زمنْ نفَعْ نَاس ٍ .. و نَاس ٍ .. ظَلمْهـا


بَرْحَل عنْ ديَارَهْ .. وفالقَلب .. انْسـوه


متْدَفّـي بنَـار ٍ..فُراقَـهْ فَحمْـهـا


مَجْبُور أجَافِي .. بَسّ وصّوه .. وصّوه

يَذكرْ لِيالـي .. حبّنـا .. ويْحشمْهـا


مَاجَاه مِنّي.. أيْغَلْطَـهْ .. ومَكْـرُوه


راح بشموخَهْ.. والمَحَبّه ..حَسمْهـا


خَلّوه يَنْسانـي .. ويِرْتـاح .. خَلّـوه



مَادامَها .. فَرْقا .. ورَبّـي.. قسَمْهـا

KING<RooS

مشكورأخوي يعطيك العافيه تسلم يدك والله لوفيه كلمه أكبرمن حلوه كان قلتهاشكلهاطالعه من قلب




ننتضرجديدك